Måtte snart varmen komme………… Men vi har sett sola, heile to dagar har ho vore her, rett nok ofte bak skyene, med ein bitande nordavind om øyra.

Vi klagar ikkje, konstaterer berre at det er slik, og lurer på om det er berre hestehoven vi skal få glede oss over i vår? Bjørka har framleis berre knoppar.

Lenge sidan sist våren var så sein som i år.

Våren er ei fantastisk tid! Kven hugsar ikkje – frå då vi var små – kjensla når vi fekk lov å ta av oss strømebuksa, og på med turnskoa! Og kjensla av å gå berrføtt – etter at vi hadde høyrt gjøken gale…… 

No går ungdomen med sommarsko heile året, og det er knapt noko som heiter vintersko lenger, har eg inntrykk av…..