Her er det ikkje ekte gran 🙂

Også her i Costa Rica startar juleførebuingane tidleg i november. Heime har vel dette vore eit «akk og ve» – kor tidleg skal dei no begynne å pynte i butikkane……..?

Eg for min del – likar godt å pynte tidleg til jul heime! Det er før jul det er stas med eit julepynta hus, synst eg.  Kose seg med lys og forventning til jula, at ungane kjem heim, rolege dagar. Når jobben startar igjen i januar, for mitt vedkommande, så er det definitivt slutt på jula, og eg kan ikkje få rydda den vekk fort nok 🙂 Då er kvardagen i gang att!

Ja, vi er forskjellige………..

Når eg går her og ruslar i gatene i Liberia, så minner denne byen meg litt om Førde, faktisk, i den forstand at det er stort sett handel som føregår, og som er å finne på……. Og her er allereie butikkvindauga fulle av meir eller mindre «jalla» julepynt, og det verkar rart – her eg går og sveittar i slippers i 30 graders varme, og sjå reinsdyr og julenissar også her 🙂

Alt slags…… i skjønn forening….