Dag 15, etappe 13. 30.mai. Steg: 31519

Nok ein «gå åleine»-dag. Men bak meg på Caminoen kom to japanske menn og to tyske. Ikkje særleg sosiale av seg nokon av dei, dei har kvarandre. Greitt det, for all del! Håpar det kjem nokon opp bakfrå, som eg kan slå følge med etter kvart.

Fin vandring i dag, med litt betre føtter. Heldigvis. Stort sett på grusveg gjennom utmark og beitemark det meste av vegen.

Har sjekka inn for natta på eit tidlegare kloster, her ligg eg på sovesal i Albergue donativo de Los Esclavos de Maria y los Pobres. Reint, lyst og fint. Blir van til det å bu slik, men vel enkeltrom der det går an, eller på Hostal, når eg treng bittelitt meir luksus😂 Når det er eit Albergue donativo, så betalar ein det ein vil for overnatting. Skal ete middag her i kveld, og frukost i morgon.

I morgon går turen vidare til Aldea del Cano (ca 15km) – eller til Valdesalor (ca 26km). Føtene avgjer!