Dag 25, etappe 23. 23,6 km. Steg: 38495.

Endeleg framme i Salamanca👏🏻 No skal eg visst vere omlag halvveges. Det er godt å tenke på. Dette er ein hard camino, eg er godt sliten i beina. I morgon har eg kviledag, og den skal nytast i opne tå-sandalar😅 Dette var staden der eg skulle møte Sunniva den 15.juni. Men eg hadde planlagt for god tid, så no skal eg møte henne i Zamora i staden for.

Også på dagens etappe hadde eg selskap av tyske Georg. Skikkeleg surt og kaldt, kald vind. Etappen blei unnagjort utan å ha ete frukost. Avtalen med eigar av baren i San Pedro var at dei skulle opne kl 7.30. Men der kom ingen! Skikkeleg ergerlig! Ein liten muffins og ein halv banan var det vi gjekk på, til vi fekk kvar vår yoghurt av våre koreanske caminovener i Morille. Energinivået var ikkje særleg høgt, men kom seg litt etter ein pause med ny banan👍🏻

Ankom Salamanca litt over 13. Verkeleg flott by, trur eg vil tilbake hit på ferie ein gong. Dagens meny på restaurant gjorde susen på energinivået.

Takk for godt turfølge til Georg, som vandrar vidare i morgon. Vi har berre snakka spansk på vegen, så det har vore god trening også språkleg👍🏻 Gler meg til kviledagen her i morgon, før eg igjen er åleine på vegen vidare på søndag🌸